Loading...
Мақалалар

Кубтағы менеджмент

Адамзат тарихында көптеген күрделі жобалар жүзеге асырылды - Ұлы Қытай қабырғасын, Гизадағы пирамидаларды салудан бастап, адамды ғарышқа жіберуге дейін. Бұл идеялардың барлығы жобалық тәсіл мен жүздеген мың адамдардың жақсы ұйымдастырылған жұмысын талап етті. NASA тарихшысы Роджер Лаунис жазғандай, NASA-да адамды Айға жіберген барлық қиындықтардың ішінде басқару ең қиын міндет болған шығар.
Шынында да, күн сайын әртүрлі ауқымдағы және салалардағы көптеген компаниялар мен кәсіпорындар ашылады. Олардың кейбіреулері өсіп, әлемдік брендтерге айналады, бірақ көпшілігі жабылады. Бұл кез-келген бизнестің негізгі факторы кәсіби, біздің жағдайда жобалық басқару екенін дәлелдейді. 

Басқарушы компаниялар бүгінде қалай жұмыс істейтіні және неге инвесторлардың көбісі өздерінің бизнес-жобаларын кәсіби менеджерлерге сенімді басқаруға беретіні туралы KUB management Директорлар кеңесінің төрағасы Әлмұрат Мұратов айтып берді.
Басқарушы компания бизнес иесі немесе инвестор күнделікті операциялық қызметке үнемі қатыса алмайтын жағдайларда қажет болады.

Әдетте, KUB management-ке жүгінетін инвесторлардың негізгі мақсаттары:
Бастау уақытын қысқартып, түрлі тәуекелдерді азайта отырып, белгілі бір салада жаңа бизнес-жобаны бастау.

Компанияның табысын арттыру. Мұндағы басқарушы компанияның міндеті-нарықты зерттеу, даму нүктелерін анықтау, мүмкін жаңа өнімдерді құру немесе барлық операциялық процестерді: тиімділікті, сапаны және қызметті жақсарту арқылы жаңа нарықтарды игеру.
Бизнесті ауқымды ету. Бұл сұрақ белсенді дамып келе жатқан компанияда міндетті түрде туындайды және осы процестегі қателіктер жеңіліске әкелуі мүмкін. KUB management-тің міндеті-белгілі бір жобаның бейінін және барлық ерекшеліктерін ескеру.
Дағдарысқа қарсы басқару. Дағдарысқа қарсы шаралар жоспарын және нақты бизнесті оңалту бойынша іс-шараларды дайындау.

Сондай-ақ, KUB management бизнеске нүктелік диагностика, KPI стратегиялары мен модельдерін әзірлеу және енгізу, операциялық, заңқ аудиті және консалтинг сияқты қосымша қызметтерді ұсына алады.

Басқару-бұл іс-әрекеттің шаблондық алгоритмі емес, ол әрқашан белгілі бір жобаға бейімделген тәсіл болып табылады. Мысалы, қазір KUB management портфелінде төмендегі салаларда 15-тен астам жоба бар : девелопмент және құрылыс – Estate New, Nova House, «ПромСтройСервис»" компаниялары, консалтингтік қызметтер – Muratov Partners заң компаниясы, білім – Prime School жеке меншік мектебі, өндіріс – Қазақстандағы шиналарды қайта өңдеу бойынша ең ірі зауыттардың бірі, аграрлық индустриядағы жоба және т. б.

Түрлі салалардағы жобаларды табысты басқаруға бізге екі фактор мүмкіндік береді. Біріншіден, «үлкен төрттік» консалтингтік компанияларында да, түрлі индустриялар мен салаларда да жұмыс тәжірибесі бар кәсіби мамандар тобы. Екіншіден, біздің бірегей жүйеміз және жобаларды басқаруды жоспарлау алгоритмдері.

KUB management Директорлар кеңесінің мүшесі Ержан Бакешов жобаларды басқарудың базалық алгоритмі мен икемді тәсілдері қандай болатынын айтып берді.
Ең бастысы, сіз мынаны анықтап алуыңыз керек: басқарушы компания инвестордың немесе меншік иесінің стратегиялық мақсаттары үшін жұмыс істейді. Менеджментте мұндай теория бар, компанияның басқарушы органы өзінің KPI және міндеттерін орындай отырып, көбінесе тіпті түсінбестен, бизнес иесінің мақсаттарын басқарады (agency theory). Бұл жағдайда бізде, тартылған тәуелсіз кеңесші-серіктестер ретінде, клиенттің бизнес міндеттеріне деген объективті көзқарас бар. Біздің басты мақсатымыз – тапсырыс берушінің мүддесі мен жайлылығы, оның бизнес-міндеттерін шешу.

Басқарушы компания қойылған мақсаттарға белсенді қол жеткізуге мүдделі. Біздің тәуелсіз сарапшыларымыз жаңадан бағалау мен тәжірибе жасайды, қосымша сараптама ұсынады. Бұл бизнесті басқаруға шынымен көмектесетін, классикалық тәсіл мен бизнес-серіктестіктің симбиозы болып табылатын консалтинг түрі.

Басқарушы компанияда басқарудың бірнеше деңгейлері бар. Ең жоғары деңгей – Директорлар кеңесі (management board), онда стратегиялық мақсаттар мен міндеттер бақыланады, орта деңгей (middle management), оған жобаларды басқаратын, мақсаттарды қоюға және операциялық міндеттерді шешуге жауапты орта менеджерлер құрамы кіреді. Сондай – ақ атқарушы деңгей (supervisory staff) - жобаларға терең бойлап, талдамалық ақпаратты жинайтын, желілік персоналмен тікелей жұмыс істейтін, басқару объектісіне жиі баратын кадрлар мен мамандар.

Біз, егер сен ешқашан құрылыс объектісінде жұмыс істемеген болсаң, құрылыстың базалық бизнес-процестерін түсінбесең, былайша айтқанда, қолыңда кірпіш ұстамасаң, құрылыс сарапшысы бола алмайсын деп санаймыз. Жобалық топ қызметкерлерінің атқарушы деңгейі негізгі, түйінді болып табылады, өйткені олар біздің дала мамандарымыз.
Кез-келген тапсырмаға ене отырып, біз тиімді заманауи әдістер мен процестерді қолдана отырып, жобаны басқарудың икемді құрылымдары шеңберіндегі жұмыс процесін қарастырамыз. Мысалы, команданың бір мүшесі жоба аясында өз міндетін шешіп, келесі міндетке ауысады. Мұндай тәсіл кадрлық ресурстарды тиімді бөлуге және тапсырыс беруші үшін шығындарды оңтайландыруға мүмкіндік береді.

Бізде аралас жобалар бар және жүктеме пирамидалық түрде бөлінеді. Басқарушы компанияның топ-менеджменті бүкіл портфельдік дивизионға жетекшілік етеді, оның қарамағында жоба жетекшілері бар. Олар өз кезегінде дивизиондық түрде өз жұмыстарын жүргізеді, өз командаларын басқарады, тікелей жобалық тапсырмаларды орындайды.
Сондай-ақ мұндай командаға біз сырттан тәуелсіз сарапшыларды жиі тартамыз. Мысалы, егер біз агроөнеркәсіптік индустрия саласында клиенттің бизнесін осы салада ерекше білімді талап ететін белгілі бір астық дақылымен дамытатын болсақ, онда біз өз командамызды осы тар бағыттағы сыртқы сарапшымен толықтырамыз.

 Мұндай икемді және сараланған тәсіл бізге жобалардың үлкен және алуан түрлі портфелін тиімді және табысты басқаруға мүмкіндік береді. KUB management-тің негізгі мақсаты біздің клиенттердің бизнесін дамыту және өркендету болып табылады. Бұл аталмыш win-win-ынтымақтастық, яғни бұл жағдайда, серіктестіктің әр тарабы ұтыста қалып, үшінші тарапқа – қоғам мен мемлекетке барынша пайда (win) әкелетін ынтымақтастық.